نص للشاعر \ سعيد بلغربي \ SAID BELGHARBI

ئزول / عنوان:

Di mermi qao d araji

أمارّاو / المؤلف:

أسفرو / الشعر:

Di mermi qao d araji

أمارير / الشاعر:

نص للشاعر \ سعيد بلغربي \ SAID BELGHARBI \

أباتو / الموضوع:

Tennid ayi a nari tanfust nnep
Neccin d tanfust

غير مترجمة

Tennid ayi a nari tanfust nnep
Neccin d tanfust
Yesmun anegh raggwaj
Deg fassen n tefsut
Ucigh kidem ttacid
Taycit war dji tefsus
Yessiwerd ghari yexf inu
Ixef inu nnem
Nec d azyen
Wenneghnit nnem
Cem i cem ,cem d ccem
Deg yexf inu
Tzedghem

٭٭٭ 2 - Awar amezwaru ٭٭٭

Deg meggaru yewdayid
Wawar amezwaru
Ucip tugha war ticigh
I tayri inu tesrigh
Tennay d alellec
I yetrajan amezruy
Deg wabrid ad ssentigh
Cem d amezwar
Nni deg meggar
Ttidaren isutar
Deg wurawen d agheddu
Neghmid ,yeghmid
Gharem war t qettu

٭٭ 3 - Ad asegh, ad adsegh ٭٭

Ad asegh ad adsegh
Waxxa nec igwjegh
Ma war din bu ragwaj
Iyneqqen radas
Din u din war din
Razagh n wattas
D umenghi
N yexf inu iked yexf inu
X wattas
N imunas
____________
SAID BELGHARBI